Maqedoni, 490 raste të reja me Covid-19 dhe 14 të vdekur në 24 orët e fundit

17:06 | 21 Tetor 2021
Arditë Shkodra

Numri i viktimave që nga fillimi i pandemisë deri më sot në Maqedoninë e Veriut ka kaluar mbi 7 mijë viktima, ndërsa gjatë 24 orëve të fundit në mbarë vendin nga 3073 teste të kryera janë regjistruar 490 raste të reja me Covid-19.

Ndërkohë nga Instituti i Shëndetit Publik njoftojnë se janë shëruar 201 pacientë.

Ndërsa betejën me Covid-19 e kanë humbur 14 pacientë.

Që nga fillimi i pandemisë, në vendin tonë janë regjistruar gjithsej 198.464 raste, prej të cilëve 185.660 janë shëruar, kurse 7.012 kanë ndërruar jetë.

Aktualisht në vendin tonë janë 5.974 raste aktive me virusin korona./alsatm

Shpërndaje në rrjete sociale

Lajmet më të lexuara

Të ngjashme

Foto lajm